Daily Newspaper

Kawng siamtu NHIDCL leh CM inkawm


Chief minister Zoramthanga chuan December 4 khan National Highways and Infrastructure Development Corporation Limited (NHIDCL) Mizoram bialtute kawmin, Mizorama an hmalaknate a sawipui.

PWD changtu n bawk chief minister chuan Mizoram chu tlang ram, ruahtui tamna hmun a nih avangin state dang, phai rama hma an lak dan ang ngawta kal a fuhloh theih thu leh India ram zawng zawng angkhata hrutrual a rem loh thu a hrilh a. Mizoram chu India leh Asia chhimchhak ramte inthlunzawmna pawimawh tak state a nih avang leh, ram hmasawnna tur hmalakna dang innghahna atan kawng tha leh changtlung tak neih a pawimawh tih te a sawi. NHIDCL chu Mizoram mipui nen thawhhona tha tak an neih a pawimawh tiin, an hmalaknaah thahnemngai taka theihtawp chhuah turin a chah a ni.

NHIDCL hotute chuan technology thar hmangin tun aia ruahtui dawl thei tur kawng siam an tum thu te, Covid-19 hrileng avanga duh anga an thawh chak theihloh thute sawiin, Mizoram sawrkar nena thawhhona tha tak neih an duh thu an sawi.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy