Kawngpui dan tum thulh
NGO Coordination Committee Khawruhlian-in kawng siamthat ran phuta kawng dan an tum chu an thulh.
September 28 khan PWD minister Vanlalhlana leh Chalfilh bialtu MLA, Assembly speaker Lalbiakzama leh NGO Coordination Committee hruaitute hi thukhawmin, minister hian sawrkarin kawng siam tura ruahmanna a siam dan leh Khawruhlian kawng ngei pawh SLT Company-in a siam hna thawka an bawhzui mek dan a sawi a. PWD-in an hna a that leh that loh a vil a, mahni tha tih dana thutlukna siam loin, dawhkan kil hoa sawifel turin sawrkar a inhawng reng tih a sawi a ni.
Khawchhung kawng hi siam a nih lai mekin, Khawruhlian Joint YMA chuan kumin May 30 atang khan fur laia hnathawh chawl tur leh thu an pek hma chu chhunzawm lo turin an ti a. Thawk leh tura thu an pek leh hma in national highway a min ta si nia sawi a ni.
Minister chuan khawtlangin hna chhunzawm rem an ti tlang a nih chuan kawng siam chu chhunzawm lehnghal a ni ang tih a puang a. NGO Coordination Committee pawhin kawng dan an tum chu an sut a ni.
Kawngpui dan tum thulh
