Daily Newspaper

Kawngpui dan vangin MBA-in High Court-ah PIL thehlut

10

Aizawl, August 4 : Mizoram mamawh lakluh kawngpui, national highway 306 chu ni 8 chhung danchah a nih tawh avangin Mizoram BAR Association chuan Gauhati High Court-ah public interest litigation (PIL) a thehlut.

Gauhati High Court Aizawl Bench-a PIL a thehluhah Mizoram BAR Association (MBA) chuan sawrkar laipui, Assam sawrkar leh Mizoram sawrkarah te NH-306 dan chungchanga hma la rang tura ngenna, ziaka an thehluh chuan awmzia a neih loh avangin Mizoram mipui hmakhua ngaiin court-a zualko mai chu tin dinhmunah chuan a tul ta nia ngaiin, PIL hi an thehlut tih an sawi a. PIL hi Gauhati High Court Aizawl Bench-a thehluh ni mah se, Gauhati High Court Principal Bench, Guwahati hnuaia awm a nih angin, Aizawl Bench-a sawi tur nge Guwahati Principal Bench-a sawi tur tih chu Gauhati High Court thuneituten an tichiang mai turah an ngai tih an sawi.

“Nikum lama Gauhati High Court Aizawl Bench-a PIL kan thehluh pawh kha Gauhati High Court Principal Bench, Guwahati-a ngaih turin Aizawl Bench hian min thawn chhawn (forward) sak a, tun tumah hian Aizawl Bench-ah bawk kan thehlut leh a, a hma angin min forward sak mai thei a, keimahni’n Principal Bench-a thehlut turin min ti thei bawk a, chutianga ti tura min tih chuan kan PIL file hi hnukkir a, direct-a Principal Bench-a thehlut turin min ti thei bawk a, kan ngaichang mek a ni,” tiin, MBA general secretary R Lalhmingmawia chuan The Aizawl Post zawhna a chhang.

Nikum kumtawp lama state pahnihte ramria an buaina avang bawkin NH 306 hi ni 30 chuang danpin a lo ni tawh a, hemi chungchangah pawh MBA hian PIL a lo thehlut tawh a ni. Hemi tuma PIL lut hi hun engemawchen Gauhati High Court-a a inchiah hnuah, kawng dan hi a tawp zui tak avangin, an PIL hmasa hi tihtawp zui ve nghal a ni a. Chutihrualin, Gauhati High Court hian hetianga thil a thleng leh a nih chuan a thara PIL thehluh leh phalna hi MBA a pe tih thu dawn a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy