Daily Newspaper

Kawngpui tichhia leh tichep thei enfiah

12

Khawzawl district bawrhsap Zothanmawia ruahmannain July 15 zing khan Khawzawl Road Protection Squad chuan kea Khawzawl khawchhung kawngpui dung fangin an endik a, kawngpui nekchep leh tichhe thei zawnga hmalakna awm theite chu senghawi tura hriattirna pek an ni.

Khawzawl khawchhunga veng pali – Zaingen, Zuchhip, Dinthar leh Electric Veng kawngpui dungte endik a ni a. Road Protection Squad hi village council leh YMA hruaituten an huamchin theuhah an lo tawiawm a ni. Road Protection Squad hian vantlang leh kawngpui tana hnawk leh kawngpui tihmelhem zawnga chet lakna awm te, kawngpui tichep zawnga hnawmhnawk siam hrang hrangte an endik a. Kawngpui nekchep zawnga hmalakna ngaimawhawm chin mi 16 chu insenghawi tur leh chhunzawm lo tura hrilh nghal niin, CrPC 133 hnuaiah lehkha pek an ni.

Khawzawl khawchhung kawngpui endik hi nikum atangin a khat tawka kalpui a ni a. Khawzawl khawpui chhung kawng langsar zual (main road) chin bakah main road pawhtu kawng penhleh dangte pawh a tul leh remchan dan ang zelin endik chhunzawm tum a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy