Mizoram Rural Bank Champhai Branch-a KCC loan-a inbumna avangin ni 100 inhlawhna lak kawngah job card neitute leh VC-ten harsatna an tawk tih sawi a ni.
Thudawn danin, MRB Champhai Branch-a KCC loan inbumnaa account an hman zawng zawng hi CBI-in preliminary investigation an neihah khawih chet theih loha hren (freeze) sak an ni a. Heng account zinga a tam zawk hi MGNREGA hlawh luhna atana hman a nih avangin harsatna hi a awm ta a ni.
KCC loan inbumnaa account hren tamna ber hi Champhai Bethel Veng nia sawi a ni a. VC-te sawi danin account 50 velah ni 100 inhlawhna tur hlawh hi a lut thin. An account hi kum 5 chhung atana hrensak an ni.
MRB Champhai Branch-a loan tihchingpennaa inhnamhnawiha puh pakhat chu district magistrate thupek angin a chenna in chhuhsak a lo ni tawh.
Loan inbumnaa FIR luh tanna, Hnahlan khuaah pawh account 10 chuang khawih chet theih loin a awm mek a. Heng account ho hi an hming paih a, an aiawha an chhungte hming leh account hman tur dang an zawng mek tih VC-te chuan an sawi.
KCC loan-a inbumna avangin ni 100 inhlawhna pekah buaina
