Aam Aadmi Party te chuan ‘Modi Hatao, Desh Bachao’ campaign kalpuiin party chief Arvind Kejriwal chuan ‘lehkhathiamlo’ hruaitu chuan ram hmasawnna a thlen thei dawn em ni tiin a sawi.
Prime Minister Narendra Modi chu eirukna tipunluntu tia sawiin Kejriwal chuan, “PM Modi hian eirukna lakah indona a kalpui hauh lo, ‘BJP zawm ula, i la eiru reng thei ang a. Opposition i nih erawh chua jail ah kan khung ang che u’ a ti a ni” tiin a sawi a.
“Modi Hatao, Desh Bachao” poster tar tute man chu British hunlai rorel nena tehkhinin Bhagat Singh pawh khan a hunlaiin poster a tar a, ‘mahse, a lakah FIR pakhat pawh thehluh a ni lo’ a ti bawk.
Thawhlehni khan police te chuan PM Modi sawiselna poster Delhi khawpuia tar avangin FIR thahnem tak an ziaklut a, mi paruk an man bawk a. Heng poster a te hian PM Modi chu bang tura nawrna ziahlan niin Delhi a public wall leh electric ban ah te tar a ni hlawm.
“Mi tlemte ten ‘Modi Hatao, Desh Bachao’ tia poster an tar chu eng nge buaina tur vak ni? Shri narendra Modi hi he ram lian tak Prime Minister a ni a. Hetiang poster tar tu mai mai te man hi a nihna nen a inmil lo. Eng vangin nge sawisel chu a huat em em le? Hetiang ram ropui PM ni chunga him lo riaua a inhriattlat le?” tiin Arvind Kejriwal chuan a sawi.
Hei hi chhang letin Delhi BJP chief Virendra Sachdeva chuan mipui te chuan eirukna chungchangah Kejriwal chetdan chu mak an ti a ti thung a. “Chief Minister cabinet membe rpahnih te chu eirukna kaihhnaiwh vangin lung in ah khungin an awm mek a, tichung chuan eirukna chungchang an la aupui ngam a nia” a ti let ve thung.
Kejriwal an lehkhathiam lo hruaitu duh lo
![](https://theaizawlpost.org/wp-content/uploads/2023/03/key.jpg)