August ni 30-a sem tur MTV Video Music Awards show chu Hustlers star Keke Palmer-i’n a host dawn tih an puang. VMA producer-te chuan, “Kumin VMAs host turin talent nei tha tak mai Keke Palmer kan nei hi kan phur hle a ni. Keke hi an viak a tha a, thiam leh fing taka mi tihhlim a thiam a, kumin show pawh hriatreng turin a kalpui ngei ang,” an ti.
Keke pawhin a Nickelodeon character True Jackson anga inlanin, “A dik, MTV Video Music Awards ka host dawn e. VMA hi nipui laia khawvela dawhsan ropui ber leh artist tha ber te inlanna a ni,” a ti.
Keke-i’n a host dawn tih an puan bakah VMA stage-ah hian BTS, Doja Cat leh J Balvin te an perform dawn tih an puang tawh a, anni hi kumin MTV VMA-a nomination-a lang vek an ni. Kumin nomination-ah hian Lady Gaga leh Ariana Grande ten nomination pakua ve ve neiin an langsar ber a, Billie EIlish leh The Weeknd ten nomination paruk ve ve nein an dawt a ni.
THE AIZAWL POST
~Thalaite Huang~
HOME>> The Aizawk Post
Full>> ePaper Subscribe
