Daily Newspaper

Kelly Clarkson-in BBMA a host dawn

10

April ni 29-a sem an tum tawh, coronavirus hripui leng avanga an thulh tak Billboard Music Music Awards chu October ni 14 hian an sem dawn ta a, Kelly Clarkson-i’n a host ang. Clarkson hi thla ruk kalta khan he show host tura puan tawh hi a ni a, a ngai angin an la kalpui zel dawn a ni/

Clarkson hian kum thum chhung a zawna BBMA a host-na tura ni tawh dawn a, “Billboard chhungkuaa ka kir leh tur hi ka phur hle a ni. Artist ropui ber ber te inlanna event-a tel ve hi nuam ka ti thin,” a ti.
Nikum BBMA-ah khan Taylor Swift, Ariana Grande, Madonna, Maluma, BTS leh Halsey, Ciara, Lauren Daigle, Dan + Shay leh Tori Kelly, Jonas Brothers, Khaid, Panic! at the Disco, Paula Abdul leh Icon Award dawngtu Mariah Carey te an peform a, kumin hian award show-a perform tur an la puang lo a, show nghahhlelhawm tak chu an chhawp chhuak leh ngei ang.

Show host tur Kelly Clarkson hi BBMA-ah a mikhual tawh lo hle a, 2005 khan nomination panga a nei thawt a, 2016 Billboard Women in Music event-ah Music Powerhouse award a dawng tawh bawk. Clarkson hian Grammy pawh pathum dawng tawhin, Grammy-ah best pop vocal album vawi hnih dawng thei hmasa ber a ni nghe nghe. Award dawng pawh a dawng nual tawh- American Music Awards pali a dawng tawh MTV VMA pathum, Academy of Country Music Awards pahnih, Country Music Association Award pakhat te pawh a lo dawng tawh a ni.

(THE AIZAWL POST – Thalaite Huang)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy