Kenya-a police chetna leh sorkar duh loh lantirnaah mi 16 thi

Kenya-a police chetna leh sorkar duh loh lantirnaah mi 16 thi
Kenya National Commission on Human Rights chuan an rama rawng taka police chetna leh ei rukna duh lohna ram puma mipuiin an lantirnaah mi 16 vel an thi tih an sawi.
Nilainia thil thlengah hian mi 400 velin hliam an tuar bawk a, heng zingah lungawi lo, police leh chanchinbumite an tel a. Thenkhat hi silaia kahnaa hliam an ni a, thelret silaimu leh vuak tuarte an ni a. A tam ber hi an khawpui, Nairobi-ah a ni.
Mipuite hi police-in tear gas leh tiangin an hmachhawn a. Duh lohna lantir hi mipuiin nikuma sorkar duh lohna lantira parliament an luhchilh champha chiahah a ni.
Nikuma chhiah tam lutuk duh loh avanga thalaite chet chhuahnaah khan venhim hna thawktuten mi 60 vel an thi niin dikna chanvo humhalhtu pawl chuan an sawi.
Tun tumah hian khawpui berah chuan mi thenkhatten Kenyan flag leh nikuma thite thlalak lanna placard an keng a, chhiar tisangtu, President William Ruto-a au khum thar lehin, “Ruto-a a kal bo tur a ni,” tiin an au bawk.
Duh lohna lantirtute hi ram chhung hmun hrang hrangah an pung khawm a, khawpui ber atanga km 100 vela hla, Matuu-ah pawh pung khawmin hetah hian innawr buaina a thleng nghe nghe.
Police chuan khawpuia hmun lun lai awmna district kalpawhna kawngpui an dang a, sorkar building-te chu hriam nena thuam hruiin hung a ni bawk.
Sorkar chuan TV leh radio station-te chu duh lohna lantirna chu live-a pek chhuah a khap bawk.
Khawvel puma internet viltu, NetBlocks chuan Telegram pawh tihtawp lailawk a ni tih social media-ah a tar lang a. Kenyan broadcaster KTN pawhin an thupuan hun an sawn tlai bawk.
Mi 12 chuang silaia kah an nih avangin an hliam a. Citizen TV chuan mipui hian Nairobi dai, Kikuyu-a court hmunte an tichhia.
Mombasa-ah pawh buaina a chhuak niin NTV chuan a sawi a, Kitengela, Kisii, Matuu leh Nyeri-ah pawh innawrna a thleng bawk.
Tun tuma sorkar duh lohna leh police chetna rawng lutuk duh lohna hi tun thla tira kum 31 mi, blogger leh zirtirtu, Albert Ojwang-a officer a sawisel nia puh avanga mana a tan laia thihna thleng vang a ni.
He thil thlengah hian police officer pathum telin mi paruk chu Thawhlehni khan tualthat thubuai siamsak anni tawh.