Kenya-in US atangin sazuk vâng chi 17 dawng
Kenya chuan US-a a humhalhna hmun bik atangin sazuk chi khat vâng tak, mountain bongo 17 a dawng.
Heng sazukte hi kum 1960 chho vela Kenya ram atanga lak luh thlah kal zel chhawng thumnate an ni.
Ramsa mang mai hlauhawm tak hi Rare Species Conservation Foundation, Florida atangin lak luh niin Kenya-in ramsa humhalh a tumna kawngah rahbi pawimawh tak a tling.
Kenya Wildlife Service chuan mountain bongo hi kum 1970 vel kha chuan 500 chuang Kenya-ah hian a la awm a, tunah chuan 100 pawh an nei tling tawh lo tih an sawi.
KWS chuan an khawsakna hmun a tlem zel vang te, pel thin an awm vang te, natna avang leh anmahni hrim hrim an tlem a, an inthlahpun chak tawk loh vanga tlem ta niin an sawi.
Kenya-in US atangin sazuk vâng chi 17 dawng
