Central sorkar rang tak maia Palestine crisis thleng meka Israel an thlawp thu sawitu chuan thla tam tak Manipur-a inthahna thlengah sawi an nei duh lo tiin Kerala Chief Minister Pinarayi Vijayan chuan a sawi a.
‘Manipur FIR’ tih journalist George Kallivayal ziah Kochi a tlangzarhna neihah Vijayan chuan Prime Minister Narendra Modi chuan Manipur crisis sawi nan Prime Minister Narendra Modi chuan ni 80 a nghak a ti a.
Centre leh Union Ministers te chuan he issue-ah hian ngawih an chuh tlat mai a ni. Mainstream media te Palestine crisis nasa taka umzui te pawhin Manipur-a inthahna rapthlak tak te chu an ngaihven lo a ti bawk.
Thuneitute chuan Manipur-a buaina chhuahna bul tumtute chu man lovin dik lo taka thil thleng te video leh news report hmanga lailangtute zawk chu hrem tumin a um zawk a ni, a ti bawk a.
Thuneitute chuan tharum thawhna chhuah hnua Manipur State tlawha zirchiang Editors’ Guild of India fact-finding team te lakah case a la siamsak zui bawk a. Chung mite laka hremna lekkawh an tum chu Supreme Court-in a khap zawk a ni tiin Vijayan chuan a sawi bawk.
Thuneitute chuan Manipur buaina avanga nunna chan 200 leh hliam tuar 1000 vel leh chenna in hal 5000 chuang a awm an ti a. Mahse, a tak takah chuan hei aia turu dang daih a ni ang a, thlaruk a chuang tawh a ni, tiin a sawi bawk.
Kerala CM-in Centre Manipur aia Israel ngaihven ti
