Daily Newspaper

Kerala CM-in PM Modi open letter thawn

15

Kerala Chief Minister Pinariyan Vijayan chuan ‘spirit of federalism’ chawinunga Prime Minister Narendra Modi chu Central agency te politics thila hmanga State sorkar te tihsual châng leh tihmelhem tuma an chetlakna titawp turin a ngen.

Open letter a thawnah Modi chu ‘Tun ang hunah tal hian siam tha tura hmalakna’ nei tura ngenin Vijayan chuan Central investigation te chu UAE consulated-link gold smuggling case chu dik lo taka State sorkar hmel tibal tura kalpui mek niin a sawi a.

Agency te hian case chingfel tur an nihna an hloh tawh a. July thla atang khan an case chhuiah hmasawnna an nei lo. He investigation hi Govenrment of Kerala political leadership tihhmingchhiat tumna campaign a ni, tiin a sawi.

Chanchin thar atangin Customs and the Enforcement Directorate (ED) te chuan thil tisuala ngaih te thlurbing leh chhui duh bik neiin felhlel takin chet an la a ni, tiin Vijayan chuan a sawi bawk a. Hei bakah hian Central agency te chuan Constitution-in cooperative federal set-up a siam chu an bawhchhia tiin a sawi bawk a.

An thil chhuia thlurbing pawh nei lo leh kalpui dan tur mumal pawh awm loin State-ah governance chungchangah harsatna a siam a, Agency tena government programme kimchang an pawng dil tawp te hi a dik lo tiin a sawi bawk.

ED te chuan CEO Life Mission chu State flagship programme mirethei te tana chenna in a thlawna pek kaihhnawih document kimchang te chu darkar 24 chhunga pe tur te in an ti, a ti bawk a. Hetianga chetlakna hian officer fel leh rinawm tam tak tak teah hlauhna a tuh a ni, tiin a sawi bawk.

Vijayan chuan Centre-State inzawmna chungchangah principle of federalism chu kalpui turin a ngen zui a.

Tun hnaia Kerala-a local body inthlanna neihah Left Democratic Front te chuan chakna an chang a, chakna an chan hnuah Vijayan hian open letter a thawn zui ta a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy