Kerala in IAS pahnih suspend

Kerala in IAS pahnih suspend
Kerala sorkar chuan an state chhunga IAS officer pahnih chu service rules an bawhchhiat avangin an suspend thu a sawi.
Heng IAS officer pahnihte hi K Gopalakrishnan leh N Prashant-te niin, Gopalakrishnan hian sorkar official te tana sakhaw lam hawi whatsapp group siamin, a meizanghlaptu ber a nih thu sawi a ni a, Prashant hian social media-ah IAS officer senior pakhat chu vantlang hmaa a sawisel avangin thuneihna lekkawh loh theih loh a nih thu sorkar chuan a sawi a ni.
Thawhtanni zan khan he suspend order hi Kerala sorkar chuan tichhuakin, an order lehkhaah chuan civil service officer pahnihte thiltih chu All India Service Conduct Rules, 1968 bawhchhiatna a nih avang leh mipuite rawngbawltu an nihna an bosal avangin discipline lak loh theih loh a nih thu tarlan a ni.
Chief minister Pinarayi Vijayan chuan chief secretary hnen atanga report a dawn hnuah thawhtanni zan khan official-te suspend na thupek hi a chhuah tak thu a sawi. Tin, heng officer pahnih hian hetia sawi mai bakah hian an service kaihhnawih ni lovah thiltih an nei nasa hlea sawi a ni bawk.