Congress president Mallikarjun Kharge chuan Centre in MGNREGA a kalpui dan chu nasa taka sawiselin he scheme kalpui mek chu Prime Minister Narendra Modi an India thingtlang a phatsan zia lantirna tha tak a ni tiin a sawi.
Kharge chuan kum 2005 khan Congress kaihhruai UPA sorkar chuan thingtlanga cheng tena right to work an neih a taka tihhlawhtlin nan Mahatma Gandhi National Rural Employment Guarantee Act (MGNREGA) a kalpui tan thu a sawi a.
Tun dinhmunah India ram pumah MGNREGA a innghat hnathawk mi 13.3 crore an awm mek a, an thawhhlawh a tlem em em chungin leh job card atanga paih hlau chungin innghah nan bera an la hman a ni a ti.
Technology leh Aadhaar chhuanlama hmangin Modi sorkar chuan seven crore worker te chu job card atangin a paih tawh a, heng mite hi MGNREGA hna thawk thei lovin an siam mek a ni tiin Congress president chuan a sawi.
Kumin Budget ah pawh MGNREGA atana sum dah chu budget pumpui atangin 1.78 per cent chauh a ni a, kum sawm chhunga he scheme a sum dah tlem ber tum a ni tiin a sawi bawk.
Modi sorkarin MGNREGA a sum dah a titlem lui hi he scheme a hnathawh kalpui thin te a namnulzia lantirna a ni a ti a. Economic Survey pawhin MGNREGA a sum dah tithlem chu tan tlatin MGNREA demand leh rural distress in inzawmna a nei lem lo an ti a ni, tiin Kharge chuan a sawi bawk a. Tun hnai lawka parliamentary standing committee report chuan MGNREGA hnuaia daily wage pek chu a beitham lutuk an ti, a ti bawk.
Entir nan kum 2014 atang khan Uttar Pradesh a daily wage rate chu kum tinin 4% in a pung a, chu ai daih chuan inflation a sang a ni a ti bawk a. “Vawiinah chuan labourer ten nikhatah Rs 213 chauh an hlawh mek a. Congress te chuan National Minimum Wage hi ni khatah Rs 400 ah kan tisang dawn” tiin a sawi bawk.
Rural inflation chu a zawn zatin thla 13 chhung urban inflation aia a sang tawh chungin Modi sorkar chuan rural poor community te chu a ngaihsak lo zui zel a ni, tiin Congress chief chuan a sawi bawk.
Kharge-a’n a sawisel na hle
