Indian Meteorological Department sawi danin, January 4 atang khan Mizoram district zawng zawngah temperature tlahniamin khua a vawt zual a, ni engemawzat chu khaw vawt zual hian min la tuam dawn nia ngaih a ni. Hei vang hian Disaster Management & Rehabilitation department chuan district tin bawrhsap-te chu khaw vawt vanga mipuia harsatna thleng thei laka inven kawnga hma la turin a hriattir.
DM&R department chuan khua a vawh zual laiin mipui chu inthuam lum tur leh khawvawt lutuk hmuna awm tam lo turin a chah a. Khaw vawt avanga taksaa nawmlohna nei chuan damdawi in pan thuai turin a chah. Zing leh zan lamah tiau chum a chhah thin avangin lirthei khalhtute fimkhur turin a chah a. Ran vulhte pawh khaw vawt avanga an ran vulhte hriselnain a tawrh lohnan ngaihven turin a chah bawk.
Khaw vawt zual zel dawn
