May 25 zing dar 9.00 khan Kanhmun Police Check Gate-a duty-te chuan Aizawl – Agartala inkar service maxi cab TR 06 0002 an lo enfiahnaah khawi atana dan loa tawlhruk rul 18, satel 4, zawng 2 a phurh chu an mansak.
Maxi cab khalhtu leh lirthei neitu hi Chawngthanmawia (32) s/o Laxmi Dal, Tudui, Amarpur district Tripura a ni a. Police-te hnena a sawi danin, Binoi Molsim @ Sanga Molsom chuan heng nungcha hi Zodin Square City Bus stand atanga thawnin, Zo Sumo Travels Counter Agartala-a maxi cab pakhata hlanchhawng turin a ti a ni.
He thu bawhzui hian Binoi Molsom (34) s/o Company Manik Molsom, Bakbasa North Tripura, tuna Silai Mual Melthuma khawsa mek chu police-ten an man a, thu zawhfiah tura kawl rih a ni.
Nungcha mante hi Kanhmun Forest Range range officer hnenah an hlanchhawn a ni.
Khawi atana tawlh ramsa man
