Daily Newspaper

Khawiva to Melriat line neih vangin lawm

33

Mizoram chhimlam power line dang ruahman chu peihfel a nih tak avangin lawmawm an tih thu Congress party chuan an sawi.

Lunglei District Congress Committee thuchhuak chuan, Power & Electricity Department-in chhimlam – Lunglei, Lawngtlai leh Siaha district tana kawlphetha pekna a neihchhun, Zuangtui to Serchhip via Bukpui chauh kum engemawzat kalpui a nih avangin chhimlam tana kawlphetha pekchhuah chungchangah harsatna a awm thin thu a sawi. He harsatna sutkianna tur – alternative line, Melriat to Khawiva tha leh sum tamtak senga peihfel a ni ta lawmawm tiin, he line hi tluang taka hman a nih theih nan a taka kalpui zel turin an beisei tih a sawi bawk.

Kum engemawti chhung chhimlam power supply harsatna tawh chhan hi Bukpuiah a chhiat thin vang a ni tih LDCC hian sawiin, he harsatna sutkian dan tur hi Lunglei NGO hrang hrang leh Lunglei MJA pawhin theihtawpa a buaipui leh bawhzui a nih thu a sawi.

‘Sawrkar liamtaah khan Congress sawrkar chuan nasa taka hma lain he power line neih theih nan P&E Department hotute nen theihtawp an chhuahna azarah alternative line kan nei thei ta hi a lawmawm a, he line neih theih nana hmalatu zawng zawng chungah lawmthu kan sawi a. Hetihrual hian power supply kan neih that thin loh avanga a sur a sa hnuaia thawk thintu leh nunna chan ta te kan theihnghilh loa, line thar hi rawn hmu ve se an lawm hle ang tih kan ring,’ thuchhuah chuan a ti.

(THE AIZAWL POST – Tualchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy