Champhai district Chawngtui East khua kum 125 (1898-2023) tlin leh, Zoram buai avanga khawkhawm haw kir leh, kum 50 (1973- 2023) tlin lawmna, Chawngtuia neih chu Ningani khan Art & Culture minister R Lalzirliana’n a hmanpui a; a hriatrengna lungphun a hawn bakah souvenir a tlangzarh. He hunah hian East Tuipui bialtu MLA Ramthanmawia chu khualzahawm a ni.
Minister chuan kum 125-na hmel leh rambuai khawkhawm haw hnu atanga kum 50-na hmel an hmu thei chu a lawmpui tih a sawi a. Chawngtui East chu khaw lian lo tak ni mah se, tawnhriat ngah tawh tak a nih angin ei leh bar dehchhuah kawngah te, Zo nun zemawi chawisan kawngahte midang zirtirtu a ni thei tih a sawi a ni. Pipu sulhnu tamna Tuipuiral tlangdunga pipu sulhnu venhim leh enkawl kawngah Art & Culture department kaltlangin theihtawp chhuah zel tum a ni tih a sawi bawk.
Chawngtui East hi Champhai district Khawbung RD Block huamchhunga awm, East Tuipui Assembly constituency hnuaia awm a ni a. Tunah hian in 67 awmin mi 350 vel an cheng mek.
Khawkhawm haw kir hmang
