Daily Newspaper

Khawpui chhuahsan tum lo officer-ten rorel an ti harsa – Dy. CM

6

Sawrkar hnathawk, officer leh officer lo zingah awm duhna bik nei tlat leh khawpui chhuahsan tumlo an awm thin chuan rorel a ti harsa tih deputy CM Tawnluia chuan a sawi.

Mizoram Civil Service Foundation Training, MCS 2019 batch-in an neih chu Zirtawpni khan Aizawlah a kharna inkhawm hman a ni. He hun hmanpuitu deputy chief minister chuan, sawrkar hnathawk officer leh officer lo zingah mi thenkhat, awm duhna bik nei tlatte, khawpui chhuahsan tumlo awm angte an awm thin chuan rorel an tiharsa a, mipui tan harsatna a siam bawk tih a sawi.

“Sawrkar hnathawh phungah, insawn changte a awm thin a, chu’ngah chuan sawrkarin a dahna apianga awm zel tura rilru siam a pawimawh,” tiin, staff emaw officer pakhat emaw awm loh avanga sawrkar hna kal thei lo anga ngaihna awm thin chu, sawrkar hnathawh phungah thil tih dan tur a ni lo tih a sawi bawk.

MCS officer-te chu mipui tana rawngbawl tura lak an nih angin an hnathawhna kawng tinrengah theihtawp chhuah turin Tawnluia hian a chah a. Milian leh mite ang khat veka dawr a, mite berte tan pawh biak nuam leh hawihhawm taka thawhpui thiam mi ni turin a chah.

MCS Foundation Training hmang zo chiahte hi 2019 batch an ni a. Training Regulations-in a sawi angin thla 12 chhung training neiin, 2019 July 8 khan an tan a, 2020 July 10-ah khar a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy