Daily Newspaper

Khawpui fai endiktuten Mamit lam enfiah

9

Mizoram Cleanliness Competition 2020 endiktu (Panel of Expert) Inspection Team, Mamit endik tura kalte chu district bawrhsap Dr Lalrozama chuan lo dawngsawngin an inkawm.

Mamit DUDO C. Sawihlira report danin, district chhung khua/veng hrang hrangah naupang kum 5 to 13 intelkhawmna – Children Sanitation Club (CSC) 97 din a ni tawh a, India ram pumah Mamit district chu CSC dinchhuaktu hmasa ber an ni. Mamit khawpui chhung cheimawinaa hmalakna atan Mamit Officer Club (MOC) leh UD&PA Department tangdun hmalakna kalpui a ni a, UD&PA Department-a thawktuten kawngpui, tuikhur leh khawpui chhunga footpath-te rawng hnawihin hnatlang neih a ni. Mamit district chu pawnlera inthiar awmlohna – ODF District an ni tawh a, vantlang inthiarna 12 siam a ni a, faina kalpuina tura dan siam bye laws chu pawm tawh niin hriattirna chhuaha hman tan mai theih tawh a ni. Mipuite-ah bawlhhlawh sawngbawl chungchang zirtirna kalpui thin niin, khawpui chhung hmun lun laiah fai tura inzirtirna banner leh hoarding tar thin a ni. Forest Department nen tangdunin tuihna humhalh leh thingphun uar lehzual tura hma lak a ni a, Green Mizoram Day-a thingphun bakah tlawmngai pawl hrang hrangte nen thingphun thin niin NITI Aayog tanpuina hnuaiah a tam thei ang ber phun belh zel tum a ni.

Panel of Expert-te hian zawhna an neihte chhan nghal a ni a. Mamit khawpui chhung hmun hrang hrang endik a nih hnuah Inspection Team hi nimin vek khan Zawlnuam khua endik turin an kal lehnghal a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy