Hozier hla hit ‘Too Sweet’ chu kar khat chhunga khawvel huapa hla lar ber niin, Billboard Global 200 chart-ah a No.1 a, FloyyMenor leh Cris Mj te hla thar ‘Gata Only’pawh top 5-ah langin, Sabrina Carpenter hla thar ‘Espresso’ pawh top 10-ah a debut.
Billboard Global 200 chart hi kar khat chhunga khawvel huapa hla lar dan tehna niin, chart ranking siam nan hian ram hrang hrang 200 chuanga official-only streams (subscription leh ad-supported audio leh video music services) leh download sales te chu tehna pawimawh a ni.
Hozier ‘Too Sweet’ hian stream maktaduai 76.1 leh sales 9,000 nei theiin, chart No.2 atangin No.1 a kai ta a, he chart-a No.1 kai thei hla a neih vawi khatna a ni a, Irish zaithiam zingah he chart-a No.1 ni thei hmasa ber a ni bawk.
Artemas ‘I Like the Way You Kiss Me’ chu No.3 atangin No.2-ah a insawn a, chart No.1 hlui, Benson Boone ‘Beautiful Things’ chu No.1 atangin No.3-ah a tawlh a, FloyyMenor leh Cris Mj ‘Gata Only’ chu No.10 atangin No.4-ah a insawn ve ta bawk a, he chart top 5-a an lan vawi khatna ve ve a ni a, Teddy Swims ‘Lose Control’ chu No.7 atangin No.5-ah a insawn thar ve leh ta bawk.
Sabrina Carpenter hla thar ‘Espresso’ chuan stream maktaduai 46.2 leh sales 6,000 neiin, No.10-ah a debut a, he chart top 10-a a lan vawi khatna a ni. Singer-songwriter leh actress Sabrina Carpenter hming hi kan la hre lar telh telh dawn a nih hmel khawp mai.
Billboard Global 200 Top 10
1 Too Sweet – Hozier
2 I Like The Way You Kiss Me – Artemas
3 Beautiful Things – Benson Boone
4 Gata Only – FloyyMenor X Cris Mj
5 Lose Control – Teddy Swims
6 Magnetic – ILLIT
7 Like That – Future, Metro Boomin & Kendrick Lamar
8 We Can’t Be Friends (Wait For Your Love) – Ariana Grande
9 End Of Beginning – Djo
10 Espresso – Sabrina Carpenter
Khawvel huapin Hozier ‘Too Sweet’ a thlum ber
