Miley Cyrus hla hit ‘Flowers’ chu Billboard Global 200 chart-ah a No.1 a, he chart-a a zawna kar li a No.1-na a ni ta. Billboard Global 200 chart hi kar khat chhunga khawvel huapa hla lar dan tehna niin, chart ranking siam nan hian ram hrang hrang 200 chuanga official-only streams (subscription leh ad-supported audio leh video music services) leh download sales te chu tehna pawimawh a ni.
Miley ‘Flowers’ hi stream maktaduai 146.8 (kar hmasa aiin 21%-in a tlahniam) leh sales 53,000 (kar hmasa aiin 26%-in a tlahniam) a la tling a, hei hi chart-ah a kar li nan a No.1 pui leh ta a ni.
Chart No.1 hlui SZA ‘Kill Bill’ chu No.3 atangin No.2 a kai thar leh a, Bizarrap leh Shakira ‘Bzrp Music Sessions, Vol.53’ chu No.2 atangin No.3-ah a tawlh a, chart No.1 hlui Sam Smith leh Kim Petras ‘Unholy’ chu No.4-ah bawk awm lehin Rema leh Selena Gomez ‘Calm Down’ pawh No.5-ah bawk a la awm.