Mizoram University chuan khawvel huap university ranking, research leh environment humhalh lamah hmasawnna tam tak a hmu a, ram chhung leh khawvel huap zirna sangah a dinhmun a tha chho zel.
Mizoram University hotute atanga thudawn danin, Times Higher Education (THE) World University Rankings 2027-ah MZU hi khawvel pum ram 118 atanga tel university 2297 zingah, 801– 1000 dinhmun chhungah a awm a. He ranking-ah hian research quality lamah a titha ber a, teaching lamah pawh dinhmun tha tak a chang.
Environment humhalh leh campus hring (thing leh mau) siam kawnga tan a lakna chu UI GreenMetric World University Rankings 2026-ah chhinchhiah a ni a. He ranking-ah hian Mizoram University chuan khawvel pumah 1511-na niin, Certificate of Achievement a dawng a ni.
Research lamah pawh MZU leh a hnuaia college hrang hranga thawktu mi 13 chu Stanford-Elsevier in kumina a tihchhuah, khawvel scientist langsar ber zaa 2 list-ah an tel a. Hei hian MZU leh a affiliated college-ten research lamah hma an sawn zel tih a tilang tih sawi a ni.
Heng hlawhtlinna hrang hrang hian Mizoram University-in zirna, research leh environment humhalh kawnga hma a sawn zel dan a lantir a. India ram chhung bakah khawvel huap zirna sangah pawh a hming a langsar sawt zel tih a lantir tih sawi a ni.
Khawvel huapin MZU-in hma sawn
