Temperature, ocean heat leh Antartica sea ice tuiral chak dan leh record siam nawn awn awn chu la thleng ngai lo leh chak lutuk tiin scientist te an hlauthawng hle.
Europe-a heatwave hlauhawm tak tleh mek chuan record hrang hrang a la khum zel thei tiin UN chuan a sawi a.
Heng thil thleng leh climate change chu thlunzawm vek a harsa tia sawiin a chhan chu khawchin leh ocean (tuifinriat) chu buai hnawk nuai tiin an sawi a.
Zirchianna kalpui mek a ni a, mahse chutih mek lai chuan scien tist te chuan a chhe ber thleng thei mek leh thleng mek a nihna a awm mek thu an sawi thung.
“Climate system tin te tum khata record-creaking tak emaw danglam taka an awm thup ka la hre ngai lo,” tiin Thomas Smith, environmental geographer, London School of Economics chuan a sawi a.
“Khawvel hian a la tawn ngai loh ram a dai a ni” tia sawiin a chhan ber pawh fossil fuel hal nasat avanga global warming bakah kum 2018 hnua a tum khat nana El Nino atanga natural weather lumin a thlen a ni tiin Imperial College London climate scientist lecturer Dr Paulo Ceppi chuan a sawi.
Kumin nipui lai hian climate record pali khumin a awm a- ni khat lum ber, hriat theih china June thla lum ber, extreme marine heatwaves, Antartic sea-ice tlem ber tum te a thleng vek.
July thla hian khawvelin ni khat thil thua a lum ber record a tawng bawk a, kum 2016 a global average temperature record chu a khum a ni.
Average global temperature record chuan a tum khat nan 170C a pel a, 6 July khan 17.080C a kai niin EU climate monitoring service Copernicus te chuan an tarlang.
Fossil fuel heng oil, coal leh gas hal avanga emission pekchhuah chu ni tin a la nasa hle zual zel bawk a. Hei tak hi greenhouse gases nasa zawka pekchhuah a nih zel chuan thleng tura sawi lawk chu a ni reng a ni, tiin climate scientist Dr Friederike Otto. Imperial College London chuan a sawi a.
“A sang lama thil a kal zelna chhanah 100% chu mihringte vang a ni,” tiin a sawi a. “Mak tih ka nei a nih chuan June thlaa record khuma a awm kha a ni. EL Nino chuan a tlangpuiin a intan atanga thla nga thlaruk hnuah chauh khawvel huapin nghawng a nei chauh thin tlat a ni,” tiin Dr Smith chuan a sawi.
El Nino hi khawvela natural a thil thleng climate thlak danglam nasa theitu turu ber a ni a. Tropical Pacific ah tui lum zawk thlengin chu chuan boruak lum zawk atmosphere-ah pein chu mi nghawng chuan khawvel pumah global temeprature a tisang thei ta thin a ni.
Kumin June thla khan average global temperature aiin 1.470C in a sang a, pre-industrial period a khum a. Kum 1800 chho vela Industrial Revolution thlen atang khan mihringte chuan atmosphere-ah greenhouse gases an pechhuak tan a ni.
Kum 2023 summer chu kum sawm kaltaa sawi lawk nen a inang em tia zawhna chu Dr Smith chuan climate model te chu long-term a thil thleng tur sawi lawk nan a tha a mahse kum 10 dana lo thleng tur sawi lawk nan chuan a tha lo zawk a ti a.
“Kum 1990 chhova model te khan vawiin kan dinhmun hi a thlen a ni. Mahse, tun atanga kum 10 hnua thil lo thleng tur dik tak sawi lawk chu a harsa ang,” tia sawiin, “Thil chiang tak erawh a vawt zel dawn lo,” tiin a sawi bawk.
May, June leh July thla khan average global temperature chuan record a khum vek a, sea surface temperature record sang ber kum 2016 a mi pawh a hnaih tawh hle a ni.
Scientists tena an ngaihmawh ber zawk erawh North Atlantic ocean lum zual zel chu a ni a. “Atlantic-ah hian marine heatwave tun ang renga nasa hi kan la hre lo. Kan beisei bawk lo,” tiin Daniela Schmidt, Prof of Earth Sciences, University of Bristol chuan a sawi.
Ireland west coast-ah June temperature ha 40C leh 50C inkara above average niin chu chu National Oceanic and Atmospheric Administration te chuan category 5 heatwave emaw ‘beyond extreme’ tiin an sawi.
Heatwave thleng mek chu climate change vang vek chu a ni chiah lo an ti a. Thil chiang tak erawh khawvel a pum zual zel a, tuipui pawhin atmosphere atanga lum tam ber te chu a hip a ni tiin Prof Schmidt chuan a sawi a.
“Kan model te hian natural a thil thleng danglam thei a hisap a, chutihrual chuan kan beisei miah loh thil thleng te pawh a awm mek bawk,” tiin a sawi bawk a. Khawvela oxygen 50% pechhuaktu marine ecosystem chu a lum zual zel tiin a sawi a.
“Mite hian heatwave sawi hian thing leh phul te an thi dawn an ti a. Atlantic chu 50C in a lum tur aiin a lum zual tawh a, chumi awmzia chu organism ten pangngaia an nun theih nan chaw 50% an ei belh a ngai dawn tihna a ni,” tiin a sawi.
Antartic a sea-ice in a khuh chin area chu July thla hian a tlem ber a thleng tawh a, UK ang tiat 10 vel laia lian chu kum 1981-2010 average nena khaikhinin a bo tawh a ni.
Hei hi climate change vang liau liaua thleng a ni em tih chu hriatfiah tum mek a ni a. Khawvel lum zel chuan Antartic sea-ice chu a titlem zeltur a nih rualin tun anga chaka a tlahniam a nihna hi local weather condition vang nge ocean current vang a ni thei ve ve tiin Dr Caroline Holmes, British Antartic Survey chuan a sawi.
Record te pelin a awm mai ni lovin a khuma khum hnehhle in a awm a ti bawk a. “Tun ang July hi kan la tawng ngai lo. Nikum July aiin 10% in a tlem tawh zawk a, chu chu liantham tak a ni,” tiin a sawi bawk.
Scientist-te chuan global warming chuan Antartic sea-ice chu a khawih nasa thei dawn an ti a, mahse, sea-ice te tuiral chak lutuk chuan a barakhaih ta zawk a ni.
Khawlum zual zelah record te chu kum 2024 kan chuankai hnuah a awm zui zut turah kan ngaisa tiin scientist te chuan an sawi a. Tuna thil thleng mek hi ‘climate collapse’ tih emaw ‘runaway warming’ tia koh chu a dik lo mai thei tiin an ti a.
Mahse hun tharah kan awm a, “Chutih rual chuan nakin zela kan chenna hmun him siam theihna hun erawh kan la nei,” tiin Dr Otto chuan a sawi bawk.
Khawlum lutuk chuan khawvel hmun hrang hrang United States te, China mai bakah European ram te chu a nuai mek a. Heng hmunah te hian temperature record lo awm sa tawh te chu khumin a awm zui zel a. Khawlum lutuk avang hian nunna chan mai bakah harsatna nasa tak a thlen mek a ni. Tun anga khawlum nasa hi a la thleng lova ngaih a ni bawk a. Kum 2016 kha khawlum ber anga ngaih niin tun anga thil a kal zel a nih chuan khumin a awm ngei tura ngaih a ni bawk.
Kumin bik hian khawvel hmun tam takah temperature record te khuma awm tawhin khua hian lum lam a la pan zual zel tura ngaih a n
Khawvel lum chak lutukin mithiam te tibuai takzet
