Khawvel puma journalist boral tam zawk Israel indonaah thi
Reporters Without Borders (RSF) chuan ningani khan reports tichhuakin, kum 2024 chhungin khawvel pumah journalist 54 te chuan an hnathawh lai emaw, an hnathawhna avangin nunna an chan a, an zinga hmun thuma hmun khat chu Israel sipaite beihpuih thlaknaa thi an ni.
Press freedom NGO tarlanin kumin chhunga journalist 18 thite chu Israel sipaiten beihpui an thlakna hmunah zel a ni a, Gaza-ah 16 leh Lebanon-ah pahnihin an thih phah a ni.
RSF chuan December 1 thlenga an data lakkhawm tichhuakin, Palestine ram chu journalist te tana ram hlauhawm ber a nih thu a tarlang a, kum nga chhungin tuma khum lohin he dinhmun hi a luah tawh thu an tarlang tel bawk.
He pawl hian International Criminal Court (ICC) ah Israel sipaite chuan journalist te himna tal ngaihtuah tel se an duh thu lo thlen tawh thinin, Israel sipaite chet dan an duh loh thin avangin kumin chhung ringawt pawhin complaint pawh vawi li an lo thehlut tawh a ni.
October 2023 atanga Gaza indona a chhuah atang khan journalist 145 chuang chuan nunna an lo chan phah tawh a, an zinga 35 te phei chu an hnathawh lai a nih thu RSF te hian an sawi bawk.
Khawvel puma journalist boral tam zawk Israel indonaah thi
