Daily Newspaper

Khawvel pumah Wildlife population tlahniam nasa

33

Wildlife population chu kum 50 pawh tling lo chhungin hmun thuma thena hmun hnih aia tamin a tlahniam tawh niin conservative group WWF te chuan an sawi.

Report an siamah he ‘tlakchhiatna nasa tak’ hian ziaawm lam a pan miah lo an ti bawk a.

Khuarel te chu mihring ten la hriat ngai reng reng loh khawpa nasain an tichhe mek niin an sawi bawk a.

Ram ngaw kan kan hal a, tuipuiah sangha uchuakin kan man a, ram ngaw kan tichereu zel avangin wildlife a tlahniam vawn vawn tiin Tanya Steele, chief executive WWF chuan a sawi.

“Kan chenna khawvel kan suasam a ni. Kan In kan tih awm hi kan suasam a, kan hriselna, security leh kan dam khawchhuah theihna dinhmun derthawngah kan siam a ni. Khuarel chuan hun kan neih tlem em tawh avangin mangang takin SOS min thawn a ni,” tiin a sawi bawk.
He report-ah hian wildlife species sang tam tak conservation scientists tena an enthlak reng te chu enfiahna an nei a.

Mammals, birds, amphibians, reptiles leh fish hrang hrang 20,000 chuang te chu kum 1970 atang khan an population 68% in a tlahniam tawh niin an sawi.

Heng ramsate tlakhniamna nasa tak hi mihring chetvelna vang a nih thu Dr Andrew Terry director of conservation, Zoological Society of London (ZSL) chuan a sawi.

“Thil a inthlak danglam lo a nih chuan ramsa population hi nasa takin a tlahniam zui zel dawn a, wildlife te chu kan ti mangang a, chu chuan kan innghahna ecosystem te chu dinhmun chhe takah a dah dawn a ni,” tiin a sawi bawk.

Report chuan Covid-19 pandemic chu khuarel leh mihringte inlaichin invialchiat zia a ngialngana tarlanna tiin an sawi bawk a.

Pandemic thlen chhan chu ramsate chenna tihchhiat vek leh sumdawnna hman te niin chu chu wildlife tlakchhiatna pawh a ni, an ti bawk.

Ramsate chenna hmun chu chaw leh mamawh an lak dan kan thlak danglama ram ngaw kan tih chereu chunzawm loh chuan la siamthat theih a nih thu an sawi bawk a.

British TV presenter leh naturalist Sir David Attenborough chuan Anthropocene, geological age human activity hma dinhmun ang chu natural world nena inmil tawk lai niin kan planet venghimtu nih theihna tiin a sawi a.

“Chu mi thleng tur chuan eitur, energy kan neih dan thlak danglam a ngai dawn a, kan tuipuite enkawl thain hman thiam kan ngai dawn a ni,” tiin a sawi bawk.

“Mahse, chu mi tur chuan kan thlir dan kan thlak a ngai a. Khuarel chu kan neih avanga lawm saltiah mai lo va, kan chenna khawvel inbuktawka siam tura kan thian tha bera kan ngaih a ngai a ni,” tiin a sawi bawk.

(THE AIZAWL POST – Rampawn)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy