Daily Newspaper

Khawvel ram hrang 16 ten Indian te visa-free entry pe

39

Indian passport neite visa-free entry pe khawvel ram 16 an awm a, chung zingah chuan Nepal, Bhutan leh Mauritius te pawh an tel.

Rajya Sabhaa zawhna chhanah State for External Affairs V. Muraleedharan chuan visa-on-arrival facility Indian passport neitu te hnena pe ram 43 an awm thu a sawi bawk a, hei bakah hian e-visa facility pe ram 36 an awm thu a sawi bawk.

“Ram 16 laiin Indian ordinary passport neitute visa-free entry an pe a ni” tiin Muraleedharan chuan a sawi a.

Barbados, Bhutan, Dominica, Grenada, Haiti, Hong Kong SAR, Maldives, Mauritius, Montserrat, Nepal, Niue Island, Saint Vincent and the Grenadines, Samoa, Senegal, Serbia keh Trinidad and Tobago ten Indian ordinary passport neitue hnenah visa free entry an pe a ni.

Iran, Indonesia leh Myanmar te chu ram 43 visa-on-arrival facility Indian passport neitute hnena pe zingah an tel bawk a.

Sri Lanka, New Zealand leh Malaysia te chu ram 36 e-visa facility Indian passport neite hnena pe zingah an tel bawk niin Minister chuan a sawi bawk.

Sorkar chuan visa-free travel, visa-on-arrival leh e-visa facility petu ram an tam theih nan hma a lak nasat thu sawiin hei hi Indian tena international travel an awlsam nana hmalakna a nih thu Muraleedharan chuan a sawi bawk a.

Visa leh visa kaihhnawih thil hrim hrim hi ram thuneihna liau liau a ni a, tichung chuan Indian mi tena awlsamna an neih theih nan ram dang nena inbiakna neihah India sorkar chuan visa policy chungchang hi a thlen fo tiin Minister chuan a sawi bawk.

(THE AIZAWL POST – Ramchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy