Khawvel University tha thlanna-2024

Khawvel ram zirna inher danglam chho mek zelah Times Higher Education chuan ram thenkhat zirna hmun thatna deuh deuh te a bih chiangin zirna in sang zawk ten zirna tha an pek dan leh remchang an siam theih dan indawt a ti chhuak a ni.
Heng ram te hian zirna hmasawn zel nan leh research tih theihna turin an zirna inah investment an ti nasa em em a, an zirlai te leh mi thiam (scholars) ten an zir duh chen zir thei turin engkim ruahmanna an siam sak a ni. Kum 2024 atana khawvel ram huapa zirna in nei tha zual deuh deuh-10 thlan chhuah te chu hengte hi an ni –
1. United States – United States chu higher education tha thlanah a hmahruaitu ni lehin a ram chhunga zirna in hmingthang tak tak ten khawvela zirna in tha an nihna an chhawm nung reng a ni. US-in zirna ina thil thar a chin chhuah te, research leh zirna atana remchang chi hrang hrang a buatsaih thiamna avangin khawvel ram hrang hrang atangin zirlai leh research ti duh a hip khawm nasa em em a ni.
2. United Kingdom – UK hi hmanlai atang tawhin zirna hmun hausa niin Universities chi hrang hrang a neih te hian zirna hmun pawimawh tak ah a siam a. UK-a zirna in hrang hrang te hi an programme siam thiam avangte in hriat an hlawh hle a, zirtirtu tha tak tak te leh khawvel huap pawha research lama an thawh hlawkna ten he ram hi a chawimawiin khawvel hriat a hlawh phah a ni.
3. Australia – Australia rama Universities te hian an zirna quality thatna avang leh research tihna remchang tha tak an neih avangin khawvel ram dangte hriat a hlawh phah nasa hle a ni. Australia ram environment nuam tak leh thil thar chin chhuah an uar thiam dan te hian khawvel huapa zirna in tha thlan chhuah zinga a sang ber te zingah a vawrh chhoh theih phah a ni.
4. Canada – Canada University te hian zirna chi hrang hrang an ching chhuak renga, research leh zirna quality tha an neih te hi an hmingthan pui em em a ni. Canada sorkar-in zirna zau zawk leh khawvel ram dang atanga zirlai te a lo dawngsawng tha em em a hei hian zirna in sang zawkah a hlawhtlin tir a ni.
5. Germany – Germany hi zirna atana senso tlemna hmun a nihna hian ram dang atanga zirlai te a hip nasa em em a ni. Tuition fee awmlo leh zirna senso hniamna a nihna hian zirlai te a hip a, engineering lama a hmingthanna leh technical programms te hian hmun sang takah a vawrh chho a ni.
6. Netherlands – Netherlands hian ah hian research leh thil thar chin chhuah an uar em em a, an ram chu zirna atana hmun tha a nih zia an infak nasa hle bawk a ni. An ram chuan English tawng zirna programs an uar tur thu intiamin hnam nunze chi hrang hrang awm khawmna an nih avang hian khawvel ram dang atangin zirlai ten an bawh phah em em niin an insawi.
7. Switzerland – Switzerland-a Universities te hi thil thar chin chhuahna lam leh an research that lutukna lamah hian khawvel hriat an hlawh a. An rama mi chengte dinhmun changkang leh an ram leilung pian hmang mawi lutuk mai te hian he rama zirna in sang zawka zir zel chakna a siam nasa em em a ni.
8. Sweden – Sweden rama Universities te hian programmes chi hrang hrang zau takin an hawnga, sustainability leh thil chin chhuah thar tur an ngai pawimawh em em a ni. An sorkar-in EU/EEA zirlai te hnen ah a thlawna zirna an tiam avangin zirlai chi hrang hrang te hnen ah an mahni pan theihna kawng awlsam an siam bawk a ni.
9. France – France ram hian hun rei tawh tak atangin zirna in an nei tha tih hi hriat dan tlanglawn a ni tawh a, an ram Universities te chu art, science leh research lamah te hriat an hlawh em em reng a ni. Mitin tana zirna in ban phak tura siam chu an thil tum ber a nih avang leh an hnam nun phung te hian midangte a hip phah em em a ni.
10. China – China-a zirna in sang zawk te hi kum reilote kal ta atang khan research lamah leh thil thar chinchhuah na kawng ah an inzar pharh nasa em em a. China sorkar-in zirna lama investment a tih pun nasat em avangin khawvel zirna in tha thlan chhuah te zingah a lan ve theih phah a ni.
Khing a chunga mite khi khawvel ram huapa zirna in nei tha ram te an ni a, an mahni theuh khian that bikna leh danglam bikna an neiin research tihna hmun remchang bik te leh hnam nun phung danglam bikna lai te an nei theuh a ni. The World University Rankings-2024 tarlan te hian zirlai te hnen ah an thatna lai bik te, an hnena zir a hlawkna lai tur bik te an nei theuh a, hei hian khawvel hriat ah pawh zirna in tha thlan chhuah te zinga an tel theihna chhan a rawn pho lang bawk a ni.