Khawvela ban elh chak pahnihna
Denic Lalruattluanga !!
Uzbekistan khawpui Tashkent-a khelh zawh tak World Arm Wrestling Cup 2025 senior men 80 kg right arm huang final-ah Nilaini zan khan India aiawh Mizo tlangval Denic Lalruattluanga a chak zo lo a, silver medal a dawng.
Tluanga hian final-ah vawithum ngawt world champion lo ni tawh Danil Ustinov (Kazakhstan) a hmachhawn a, hnehna a chang zo ta lo mah se a khelhna category-ah world number two a nih chhoh phah ta a ni.
Semi-final match-ah Mizo tlangval hian Kyrgyzstan ban elh chak Egor Shmidt a hneh a, Mizo leh India mipuiin final-a hnehna chang zui leh tura beiseina sang tak kan neih laiin a tum ram a thleng zo ta rih lo.
Uzbekistan rama Mizo awmte chuan World Arm Wrestling Cup hmachhawn tura an khawsakna ram va tlawhchhuak Denic Lalruattluanga kha a thlenna hotel-ah tlawhin, a pawisa thleng ngaite an thlengsak bakah an theih ang angin an chipui lakah duhsakna an lantir.
He rama Mizo awmte hi Uzbekistan-a daktawr zir lai an ni hlawm a, an awmna atanga Denic-a awmna hi darkar vel vel zet thang ngai a ni nghe nghe.
A tum ber hlenchhuak zo loin pahnihna ni mah se Mizoram Arm Wrestling Association chuan Mizoramin world number two a nei hi a chhuangin, Denic Lalruattluanga an lawmpui tih thuchhuah siamin an tarlang.
Khawvela ban elh chak pahnihna Denic Lalruattluanga !!
