Daily Newspaper

Khawvela darthlalang lei sei ber

10

China-ah hian darthlalang lei (bridge) siam an uar riau, tunah pawh darthlalang lei an hawng thar leh ta a, khawvela darthlalang lei sei ber record a siam. He darthlalang lei hi metre 526 a sei a ni a, China chhim lam Huangchuan Three Gorges area-a Lianjiang River-ah an dawh kai zui mai.

He darthlalang lei hi Architectural Design & Research Institute of Zhejiang University te kutchhuak a ni a, khual zin hip nana an tih a ni pakhat a, thlalakna tur hmun remchang te pawh an siam nual a ni.

He darthlalang lei hi a chhuat darthlalang vek niin, inches 1.7 a chah thuah thum a ni a, hnuailam a hmuh tlang theih vek a, a san zawng hi a hnuai lui atanga meter 201 a sang a ni. |um khatah lei-ah hian mi 500 vel awm thei tura duan a ni a, a sirah tlak dal stainless steel-in an siam chhuak vek bawk.

He lei hi kum tir lama an dawh zawh tawh kha a ni a, mahse, Guinness World Records chuan tunhnaiah khawvela darthlalang lei sei berah an puang thar ta chauh a ni. Hetihrual hian a title hi a hum rei vak lo mai thei a, China-ah hian he lei aia lian leh sei zawk darthlalangin an siam leh mek a ni. China-ah hian darthlalang lei hi 2,300 vel zet a awm a awm tawh a ni.

(THE AIZAWL POST – Phuah Pawlh)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy