Daily Newspaper

Khawvela hmeichhe bawp sei ber Maci Currin

28

US tleirawl Maci Currin, kum 17, chuan khawvela hmeichhe bawp sei ber record a siam. A ke vei lam chu 135.267 cm (53.255 inch) a sei niin, a dinglam 134.3 cm (52.874 inch) a sei a ni ve thung. Maci hian Guinness World Record pahnih, hmeichhe bawp sei ber leh tleirawl bawp sei ber record a siam.

Maci hi Cedar Park, Texas a cheng niin, an chhungkua hi a sang tha hlawm ve hrim hrim a, mahse, ani hi a sang fal ta bik a ni. maci hi feet 6 leh inches 10 a sang niin, a bawp sei hi a san zawng 60% a tling hial a ni.

Maci chuan a bawp sei hi a larpui viau rualin harsatna chi hrang hrang a tawh phah ve tho a, kawngka pangngaiah atan luh leh chhuah a buaithlak a, car a luh leh chhuah te pawh a buaithlak a, a hak tawk thawmhnaw pawh a vang khawp mai. Chutih rualin an school volleyball team-ah a tel a, an tangpui viau thung!

Maci hian 2018 atang khan midang aiin a ke a sei bik tih a hrechhuak tan ve chauh a, a leggings hak tawk lei tur a hmuh a hmuh zawh loh vangin a ta tur bik liau liau a siam sak a duh leh duh loh an zawh atangin a pangngai lo tih a hrechhuak ta chauh a ni. Tichuan Guinness World Record a siam leh siam loh a en kual a, record a siam tih a inhre ta a ni.

(THE AIZAWL POST – Phuah Pawlh)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy