Dubai hi khawvela in sang tak tak an dinna hmun a ni a, tuna pawh Guinness World Record siam thei khawp a hotel sang an sa leh ta. He hotel hi IHG Vignette Collection hnuaia awm, Ciel Dubai Marina an ti a, The First Group kutchhuak niin, GWR-in khawvela hotel sang berah a puang.
Ciel Dubai Marina hi meter 377.127 a sang niin, room leh suite nuam leh changkang tak 1004 awmin, a building sanna mai piah lamah a design pawh hmuhnawm tham a ni.
UAE hi khawvel huap pawhin architect lama sang, luxury tourism atanga sum tam tak hai lut thei, khawvela inchhawng sang leh ropui tak tak an dinna hmun a ni a, Ciel Dubai Marina hi Dubai Marina laili taka awm niin, khawvel huap pawha hmun changkang leh intihhlimna hmun hriathlawh tak takin a hual a. He hotel-a mikhual te tan a bul hnai lawkah Palm Jumeirah, Uptown Dubai, JBR Beacfront, Bluewater Island, water taxi, Dubai Marina Mall, bakah khawvela observation wheel sang ber Ain Dubai te pawh awm nghal vek a ni.
Khawvela hotel sang ber
