Daily Newspaper

Khawvela mihring thil chhut rang ber Neelakantha Bhanu Prakash

10

Neelakantha Bhanu Prakash chu Delhi-a St Stephen’s College atanga mathematics graduate a ni a, amah chu Hyderabad a cheng a ni a, tichuan, mipa naupang kum 8 mi lek a nih laia lo chak em em thin chu kum 20 a tlinah a tipuitling thei ta- khawvela thil chhut rang ber ‘world fastest human calculator’ a ni ta.

August ni 15 khan Indian zinga tun kum 23 chhunga ‘Mental Calculation World Championship’-a gold medalist ni thei hmasa ber a ni ta. He event hi Mind Sports Olympiad 2020, London a neih a ni a, kumin hian Covid-19 hripui leng avangin he event hi online a neih a ni.

Praksah hi mathematician chhungkua atanga lo chawr chhuak a ni a,, a chhungte hian ketchup factory neiin, a nu leh pa te hi botany leh genetics graduate an ni a, a farnu chu fashion designer a ni ve thung.

Prakesh hi a point pawh a sang fâl hle a, point 167 a hmuh laiin, pahnihna Lebanese tlangval chuan point 102 a hmu. He competition-ah hian mi 30 an tel a, a upa ber chu kum 57 mi a ni. An intihsiak tumkhat lai phei chuan Prakash hian sem (division) chu a hnehsawh lutuk a, a chhanna a decimal point a pek te chu organiser ten an check nawn leh hial a ni.

Prakash chuan, “Rilru a thil chhut (mental calculation) hi kan hre lar vak lo a, mahse, hetiang lama mi ropui tak tak Srinivas Ramanujan leh Shakuntala Devi te pawh kan lo nei tawh. Mahse, tunlai khawvelah chuan ka tih ang ti hi kan nei lo a ni,” a ti.

Hetianga thil chhut a ran tak viau tanna hi sawiin, “Kum nga mi lek ka nih laiin ka lu tauhin ka chesual a. Kum khat chhung bed rest min chawh a, school pawh kal lo tura tih ka ni. Chuta tang chuan mental maths leh puzzles hi ka tuipui tan ta a ni,” a ti.

(THE AIZAWL POST – Thalaite Huang)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy