Daily Newspaper

Khawvela mipa upa ber South Africa mi kum 116 mi niin thi

9

Khawvela mipa upa ber South African mi chu kum 116 mi niin a thi.

Fredie Blom hi Eastern Cape province-ah May 1904 khan a piang a, mahse, Guinness World Records chuan an tichiang ve lo thung.

A tleirawl laiin 1918 Spanish Flu avangin a chungte an thi vek a. Chu mi hnuah Indopui pahnih leh Apartheid te a paltlang bawk.

Blom hian kum 2018 khan BBC tena an kawmnaah a damrei chhan thuruk a awm loh thu a sawi a.

“Thil pakhat chauh a awm – chu chu chunglam Pathian a ni. Thuneihna a nei vek a, engmah neih ka nei ve lo. Aman min chelh reng vang a ni,” tiin a sawi.

Blom hian a damchhung hun tam zawk labourer niin hun a hmang a. Farm-ah a chetla phawt a, chumi hnuah construction industry ah a thawk leh a, kum 80 a nih chhoh velah a chawl chauh a ni.

Zu a ngheina a rei tawh chungin mei heh tak erawh a ni thung.

South African sorkar in lockdown a kalpui avangin a kum 116 pian cham lawmnaah meizial lei tur a nei lo thung.

Blom chhung te chuan kar kalta Inrinni khan Cape Town khawpuiah a thih tak thu an sawi a.

“Kar hnih kalta khan kan pa duhtak hian thing a la ek a ni,” tiin chhungkaw thupuangtu Andre Naidoo chuan a sawi a. “Mi chak leh chhuanawm a ni,” tiin a sawi bawk.

Mahse, ni rei lo te chhungin michak chu mi chak lo takah a chhuah thu sawiin a thihna chhan chu Covid-19 kaihhnawih a nih an rin loh thu an sawi bawk.

(THE AIZAWL POST – Rampawn)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy