Greek pachal, US khualehtui ni bawk, Michael Zervos, kum 35, chuan ni 500 pawh tling loah khawvela mahni a ro inrel ram zawng zawng a tlawh kim vek hman a, Guinness World Record a siam. Hetih chhung hian ram 200 dawn a tlawh hman a ni.
Michael hian USA atanga bul tanin ram hrang hrang tlawhin a zinkual char char a, ni 498 chhungin khawvela mahni a ro inrel ram zawng zawng a tlawh kim vek hman. A zinkawng hi January ni 17, 2024 khan a zawh tan a, Paris-ah thlawk lutin, chuta tang chuan Europe ram hrang hrang paltlangin Russia a pan leh, Russia leh Turkey-ah a tawi khawmuang deuh a, chuta tang chuan Africa a pan leh ta a ni.
A zinkawng tur ruahman nan hian kum khat chuang a inbuatsaih a, kawng awlsam zawng leh hun seng tam lo zawka ram hrang hrang a tlawh kual theih dan tur, a ram tlawh indawt dan turte a ruahman fel vek a, kumin May ni 30 khan a zinkawng zawh tawpin, Detroit, Michigan, USA a thleng leh ta a ni.
Khawvela ram zawng zawng tlawh chhuak rang record siam
