Khawvela upa berin kum 116 a tling ta
Khawvela mihring damlai zinga upa bera Guinness World Records-in an chhinchhiah, Ethel Caterham chuan August ni 21, 2025 khan a kum 116 tlin champha a lawm. Surrey, England a cheng Ethel hi GWR-in an chhinchhiah theih chinah British zinga damrei ber a la ni bawk. Ethel hian April ni 30, 2025 atang khan khawvela upa berah puan a ni a, chutih lai chuan kum 115 leh ni 252 a upa a ni tawh. A hmaa British mi damrei ber record chu Charlotte Hughes niin, 1877-a piang niin, 1993-ah a thi.
Ethel hmaa khawvela upa ber record siamtu chu Inah Canabarro Lucas, Brazil, niin, August ni 21, 1909 a piang a ni a, kumin April ni 30 khan kum 116 mi niin a thi a, chumi hnuah Ethel hian upa ber title a rawn dawng ve leh ta a ni.
Ethel-i chhungkuaah hian damrei tak tak an awm nual a, a laizawn, Gladys Babilas, pawh kum 104 leh ni 78 a upa niin, 2002 khan a thi.
Ethel hi kum 18 mi chauh a nih laiin India-ah nau awma inhlawhin a lo awm reng tawh a, 1927 khan a chhungte pawh tel loin, lawngin India a pan a, tuipuiah kar thum vel an thang hnuah India thlengin, India-ah a pasal ni ta, British Army, Major Norman Caterham nen 1931-ah an intawng zui ta nghe nghe a ni. Norman hian 1976 khan a boral san tawh a, Norman nena an fate pahnih, Gem leh Anne te pawh an thi ve ve tawh bawk.
Khawvela upa berin kum 116 a tling ta
