Mizoram State Aids Control Society chhinchhiah danin Khawzawl district-ah HIV kai mi 616 an awm a, an ni chhut thin danah chuan district-a cheng zawng zawng inendik tir ta se, za zelah 2.13 chu HIV kai tura ngaih an ni.
Khawzawl District AIDS Control and Prevention Committee chu an chairman, bawrhsap K Lalrohlua hoin Nilaini khan an thukhawm a. HIV/ AIDS darh zel tur ven kawnga hmalak dan tur sawi a ni.
Chairman chuan HIV/ AIDS chu lang lo lama ram leh hnam min eichhe theitu a nih angin, a darh zel lohnana inzirtirna tha a pawimawh tih a sawi a, sakhaw rawngbawltute chu uar zawka zirtirna kalpui turin a ngen.
Thutkhawmah hian HIV/ AIDS chungchang inzirtirna ngawrh zawka neih dan tur, District Community Resource Group din dan tur, naupang leh tleirawlte hnena ziritirna pek dan tur sawi ho a ni a. Sawrkar department aiawh, khawtlang, tlawmngai pawl leh kohhran hruaitute an tel a ni.
Khawzawl district-ah HIV kai 616
![](https://theaizawlpost.org/wp-content/uploads/tap_logo-min-large.jpg)