Daily Newspaper

Khawzawl district souvenir tlangzarh

8

Deputy chief minister Tawnluia’n Khawzawl district lawmna puala souvenir buatsaih chu Thawhtanni khan a office-ah a tlangzarh a. Khawzawl district bawrhsap hmasa ber H. Lianzela leh Khawzawl Welfare Committee leh khaw tana mi pawimawh dangten an hmanpui.

Kum 2019 budget session-ah chief minister-in district thar pathum hawn nan sum nuai 150 dah a nih thu a puan atangin district tharin a ken tel tur ramri leh thil pawimawh dangte buaipui nghal a ni tih deputy chief minister hian a sawi a. 2019 August 12-ah RD minister Pu Lalruatkima’n Khawzawl DC office hawngin 2019 November 6-ah chief minister Pu Zoramthanga hoin Khawzawl district lawmna neih a ni. District thar hawn atanga tun inkarah ringawt pawh Khawzawlah Sports leh UD&PA Department leh department dang hnuaiah hmasawnna hmel thar thahnem tak hmuh tur a awm hman a ni, tiin, Khawzawl mipuiten hun rei tak district hran nei tura kawng hrang hranga an beihna lo hlawhtling ta chu a lawmpui thu a sawi a. District thar nei tura beitute leh an tuarnate hriatreng a ni tih a sawi bawk.

Ram tana rawngbawl tura amah thlangtu mipuiten damlohna avanga a inenkawl chhung zawng pawh duhsak taka tawngtaina nen an dinpui tlat avanga a lawmzia sawiin Tawnluia chuan, a tana mi tam tak tawngtaina avangin ram leh mipuite tana hna thawk thei leh turin Pathianin chakna a pe nia a hriat thu a sawi. Khawzawl district nei tura mipuiten an beihnaah vawi tam tak hlawhchhamna leh beidawnna hial pawh lo tawk thin tawh mah se, tuna district thar hian mipuite rilru ah phurna leh beiseina thar a siam a, he district huamchhunga cheng mipuite inkarah pawh inlungrualna leh thawh hona tha a thlen ngei a beisei thu a sawi.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy