Khuaikhemtu kum 20 tang dawn

Hmeichhe naupang khuaikhemtu chu kum 20 tang turin court-in a hrem.
Kum 2020 June vel khan hmeichhe naupang kum 5 mi awm thintu mi pakhat chuan hurherhna lamin a lo khuaikhem thin a, a sawichhuah loh nan hmeichhe naupang hi a vau zui thin nia sawi a ni.
Hmeichhe naupang hian a nu hnenah a sawi naa, a nu hian a lo ngawihbo pui mai thin nia sawi a ni a. A hnu ah a nu laizawnnu in he thil hi a hriatin police station-ah FIR a thehlut a, hemi bawhzui hian police-in pawikhawihtua puh hi an man ta a ni.
Police chhuichiannaah pawikhawihtua puh hian hmeichhe naupang hi tum thum a lo khawih man nia hriat a ni a. Finfiahna, thuhretute leh pawikhawihtua puh inpuanna atangin Kolasib Fast Track Court judge R Vanlalena chuan he mi hi thiam loh a chantir a, kum 20 lung ina tang tur leh sumfai Rs. 5000 chawi turin a hrem. A sum chawi tur hi a pe thei lo a nih chuan thla khat dang lung in tan belh turin a ti a ni.