Mizoram Tourism department leh Ministry of Railways hnuaia awm Indian Railway Catering & Tourism Corporation (IRCTC) chuan Ningani khan tourism hmasawnna atan thawhdunna thuthlung an ziak.
He thawh dunnaah hian nasa lehzuala Mizoram-in tourism lama hma a sawn theihna tura hma lak, awlsam zawka khualzinte an inkalpawh theihnan, awmze nei zawka khualzinten hmunhma an tlawh tur an tlawh theihnan leh an hmun tlawh tur an duhdan mila duansak bakah khualzin tam zawkin state chhung an tlawh theihnana hma lak a tel.
Mizoram tourism bakah a ram mipui tan mellung pawimawh tak tur niin, khawvel hmun zau zawka Mizoram phochhuahna leh khualzin tam zawk neih theihnana inthlunzawm tura hna thawktu tur an ni dawn a ni.
Kumin September-a Aizawla rel lut turah thawh dunna tangkai tak a ni dawn tih sawi a ni a. IRCTC hian October thla chhung hian special tourist train rawn luh tir an tum tih sawiin, Mizoram hmunhma mawi leh tlawh tur chi tour package-a siamin zau zawka khualzin hip theihna tur kawngah nasa takin hma an la dawn a ni.
Heng bakah hian man man zawka tlawh theihna tur, outbound tour package an chhawpchhuak dawn bawk.
Khualzin hip lamah thawhdun tum
