Swadesh Darshan 2.0 hnuaia Destination Management Committee chu an chairman, Aizawl bawrhsap Nazuk Kumar kaihhruaiin Thawhlehni khan an thukhawm.
Destination Management hnuaia hmalakna hrang hrang – marketing and promotion, skilling and capacity building, IT and digitization, investment and PPP (public private partnership) leh sustainability/ travel for LiFE chungchang sawiho a ni a. Egis Indian Consulting Engineers Pvt. Ltd. Aizawl-in Aizawl chhehvel hmun pali – Durtlang Sakeikhawthlir, Melthum, Hmuifang leh Samlukhaiah zinmite tan hmunhma hrang hrang siam dan tur ruahmanna an siam dawn a ni.
Swadesh Darshan 2.0 Scheme hi sawrkar laipuiin a vaia sum a tum tur a ni a. Tourism industry tihhmasawn nana sawrkar laipui ruahman a ni. A tum ber chu, khualzinte tlawh theih tur hmun ngelnghet leh rintlak hmunhma din a ni a. He scheme hian a tlawhtute tan thlen nghal theihna (homestay) leh plastic hman lohna hmun siam a ngaipawimawh tel a ni.
Thutkhawmah hian tourism tihhmasawn nan street painting, reels/ short video siam, photography bakah best rural tourism village competition buatsaih theih dan tur pawh sawiho a ni a. LESDE, Tourism, AMC, DRDO leh Aizawl SP aiawh aiawh bakah consulting agency hman tur, Association of Tour Operators leh Mizoram Hotel Owners Association aiawh an tel a ni.
Khualzin tana hmunhma tha siam dan tur rel tan
