Daily Newspaper

Khunghranna hmunah inkaihhruaina siam thar

9

Mizorama sawrkar/vantlang/hotel khunghranna hmun siamah inkaihhruaina dan thar siam a ni.

Health & Family Welfare Department chuan thupek thar hi tichhuakin, khunghran chhung hian khunghran an nih tan ni atanga ni 5-10 inkarah swab sample lak tur a ni a, test result chhuah hma chuan uluk taka inkhunghrang chhunzawm ngei tura tih an ni.

Mi tupawh inkhunghran laia Covid-19 hri kai nia ngaih leh an taksaa natna langte erawh ni 5-10 nghak kher loin, a rang thei ang bera swab sample laksak tur an ni.

Test result a chhuah a, a negative chuan quarantine chhunzawm a ngai tawh loanga, a hna pangngai a thawk chhunzawm thei ang. Amaherawhchu, mahni hriselna inchik (self monitoring) chhunzawm reng tura tih an ni a, invenna uluk taka kalpui chhunzawm tura tih an ni.

Khunghran an nih chhung hian Health department-in inkaihhruaina a siamte chu tha taka zawm tura tih an ni a. Mask vuah, kutsil ngun, hand sanitizer hman, social distancing leh invenna dangte khunghran chhung hian uluk taka vawng tura tih an ni a. mCOVID-19 leh Aarogya setu app-a in register vek tura tih an ni bawk.

Quarantine zo tawhte chu an bialtu chief medical officer-ten Quarantine Completion Certificate an siamsak thin ang.

Hriselna lama harsatna neite tan Covid Helpline – 102 / 0389-2323336 / 0389-2322336 / 0389-2318336 ah thu thlen theih reng a ni.

He inkaihhruaina hi hriattirna tihchhuah atanga thu leh awm hma chu hman tur a ni a. He hriattirna hian hemi chungchanga hriattirna hmasa, kumin June 30-a chhuah chu a luahlan nghal a ni

(THE AIZAWL POST – Tualchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy