Daily Newspaper

Kim Kardashian-i’n a Facebook leh Instagram a titawp rih dawn

29

Kim Kardashian chuan social media hrang hrang chu thu dik tawk lo vawrh darhna remchang a nih avangin US-a President thlan tur pawh a nghawng thei dawnin a hria a, democracy lungphum nghawr nghing thei niin a hria a, a Facebook leh Instagram account te chu tihtawp rih a tum thu a puang.

Milar dangte pawhin Facebook chu thudik tawk lo vawrh darh te tihtawp tura hma la turin an ngen ve bawk a ni.

Kim Kardashian chuan, “Social media-a thudik tawk lo kan dawn te hian kan inthlan turah nghawng lian tak a nei thei a, kan democracy lungphum pawh tiche thei a ni,” tiin a tweet a, ‘Stop Hate for Profit’ campaign zawm vein, he campaign hian Facebook chu inhuatna rawngkai thu ziak te tibo turin an nawr a ni.

He campaign hi kumin kumtir lam atanga tan tawh a ni a, company hrang hrang pawhin zawmin, he social media-ah hian advertisement an dah loh phah hial a ni.

Kim Kardashian hian Instagram-ah follower maktaduai 188 neiin, khawvela Instagram-a follower ngah zual top 10-ah a lang pha nghe nghe a, nimin atang khan a Facebook leh Instagram te chu a titawp ta rih tih a puang a ni.

Milar dang Kerry Washington, Jennifer Lawrence leh Sacha Baron Cohen te pawhin hashtag #StopHateForProfit tih hmangin Facebook chu thudik tawk lo vawrh darh thin te titawp tura an duh thu tweet.

(THE AIZAWL POST – Thalaite Huang)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy