A pa chu rimawi khawvela huhang nei lian ber te zinga mi a ni a, a nu lah milar, TV reality show atanga lar chhuak, sumdawng hausa, billionare ni thei, kawng hrang hranga zei riau a ni bawk a, Ye (Kanye West) leh Kim Kardashian te fanu North West chuan a hla “Aishite” music video a tichhuak ta. He hla hi a debut EP ‘N0rth4vr’ atanga a single a ni.
North West, kum 13, hi Kim leh Ye te fanu upa ber a ni a, “Aishite” music video hi horror-inspired niin, a den ru riau a, school rauhsan tawh a hrânchilh dan vel te a video-ah hian an tarlang.
A nu leh pa te hi mahni tawka fashion style nei, eng emaw changa che dangdai thei tak an ni bawk a, North West pawh hi a hawi harh nghal hle a, a sam pawl leh hmai-beh chi hrang hrang nen, camera-in a han focus deuh pawhin horror anime series vela chang niawm tak a ni!
Saint West, 10, Chicago West, 8 leh Psalm West, 7, te u, North West hi artist a nihnaa hmasawn tak a nih rualin, harsatna te pawh tawk lo a ni bik lo, tunhnai lawk khan a tour hmasa ber tura a ruahman ‘The Kimokawaii’ tour a cancel a, he tour hi August ni 5-a Dallas, Texas-a kick-off tura an ruahman kha a ni.
Kim Kardashian leh Kanye West te fanu ‘Aishite’ MV nen a rawn inlan
