North Korean leader Kim Jong Un chuan Russian president Vladimir Putin birthday 72-na lawmpuina thu thawnin, an inkungkaihna tihngheha a awm zual zel theih nan tha zawka thawhdun a duh thu leh inbiakna neih thuai a tul thu a hrilh.
Pyongyang leh Moscow hi inpawh tawn tak an ni a, tun hnaiah Ukraine indona avangin Russia hi puih ngaia a awm a nih phawt chuan N. Korea chu a inpeih reng bawk.
Kim-a hian khawthlang ram tam takin Ukraine an tan tih hi a hai bik lo a, a thian tha tak Russia hi puih ngaia a awm a nih phawt chuan an inpeihsa reng thu leh an hmanraw thar tha ber ber pawh enchhin an inhuam nghal reng thu a thawn tel niin, North Korean media te chuan an sawi.
Nikum September thlaa Kim-a’n Russia a tlawh tum khan Putin chuan North lam hi satellites hmanga puih bakah, an khawpui Pyongyang ah ngei hmanraw pui ber ber bun belhpui a inhuam thu a lo hrilh tawh a, tuna Ukraine leh Russia buaina neih mekah hian Kim chuan a tul a nih chuan puih ve ngei a inhuam thu a hrilh ve bakah, an missile thar pawh Ukraine-a enchhin mai mai a theih reng thu a piancham lawmpuina thawn pahin a sawi niin Pyaongyang chuan a sawi bawk.
Kim leh Putin an inhmu hnai!
