Kiu hmanga khawkherh tikehin record siam

Pakistani martial artist Muhammad Rashid chuan second 30 chhungin khawkherh pum 169 a tikeh hman a, Guinness World Record a siam.
Muhammad hian Karachi, Pakistan-ah record hi siamin, khawkherh chu dawhkana a tlar dul mai a, chu chu a hmatiamin a kiuin a tauh keh ta hmiah hmiah a, second 30 chhunga kiu hmanga khawkherh tikeh hnem ber record a siam ta a ni.
Muhammad hi Guinness World Records-ah a mikhual tawh bik lo va, nikum khan minute khat chhunga kut lawnga khawkherh tikeh hnem ber record a lo siam tawh a, emi tum hian khawkherh pum 329 a tikeh hman a, 2021 khan minute khatah a kiua khawkherh pum 315 tikeh hmanin record a siam tawh bawk.