Kolasib District Vo-lleyball Association (KODVA) buatsaih KODVA League Phase One final chu nimin khan Kolasib YMA Volleyball Court-ah khelh niin, he final match hi Mizoram Volleyball Association (MVA) president Dr. Lalmalsawma Nghaka chuan a hmanpui.
January ni 29, 2024 atanga khelh tan KOD-VA League Phase One kharna hun hmanpuitu Dr. Lalmalsawma chuan infiamna hmanga mi tam takin eizawnna hlawhtling tak an neih tawh thu sawi chungin chu hlawhtlinna chu tihtakzeta beia insum theite chungah a thleng thin tih infiamna hmaah a sawi a; Kolasib District Volleyball Association hmalakna hnuaiah Ko-lasib district atanga volleyball player hlawh-tling tam zawk an lo chhuah ngei a beisei thu leh chutiang tur chuan district thalaite’n theihna an neih thu a sawi a, infiammite tana hruaitute thawhrimna leh inpekna chu ramin a rah a hmu zel dawn niin a sawi.
MVA president hian tournament tanpuina’n tangka fai a pek bakah Kolasib District Volley-ball Association-in Co-llege Veng-a LAD Department hmalakna hnuaia cheng nuai 28 senga sak mek Semi-Indoor Volleyball Court, metre 26-a sei, metre 17-a zau chu a hmunah tlawhin a en nghal.
Sorkar kaltaa Ko-lasib bialtu K. Lalrin-liana hmalaknaa volley-ball stadium tha tak buatsaih a ni chu lawm-awm a tih thu leh changtlung zawka buatsaih leh hman theiha zawh thuai a nghahhlelhawm tawh thu a sawi bawk.
Nimina League khar-na hun hi KODVA general secretary F. Lalmuanpuia’n a kai-hruai a; KODVA chair-man Clement Lalhriat-puia’n report pein, an pawl vice president R. Lalrinngheta’n lawm-thusawina hun a hmang.
KODVA League Phase One final hmanpuitu MVA president
