Kohhran chungah AMC lawm
Bawlhhlawh tawih thei leh tawih thei lo thliar kawngah hunpui laia kohhrana ngenna an siamin zawm a hlawh chu lawmawm an tih thu Aizawl Municipal Corporation chuan a sawi.
Aizawl mayor Lalrinenga Sailo chuan, Aizawl mipui zawng zawng Aizawl Municipal Corporation (AMC) hmingin chibai a buk tih a sawi a. AMC-in bawlhhlawh thliar (tawih thei leh tawih thei lo) that kawnga kohhran a ngenna chuan zawm a hlawh hle, tiin, kohhran chungah AMC a lawm takzet tih a sawi.
Krismas lawmna atana kawn chei zawng zawng chungah pawh lawmthu sawiin, hun lokal zel turah pawh uar deuh deuh turin AMC chuan a ngen tih a sawi a ni.
“Kumtluana ram leh hnam tana rim taka thawkin, AMC hmalakna hrang hrang Aizawl mipuiin tha taka kan thlawp thin a. Kan thawhrimna a thlawn loa, Aizawl chuan kawng hrang hrangah chak takin hma a sawn zel a ni. He kumtharah hian AMC pawhin hma sawn zel turin tan a la thar dawn a. Khawpui nuam zawk kan neih theihna turin dan leh hrai zawm kawngah hma sawn zel turin khua leh tuite kan inngen thar a ni,” mayor hian a ti.
Kohhran chungah AMC lawm
