Daily Newspaper

Kolasib-a brick zuar kualtu state dang mi man

8

Mizoram hnaihlam Assam atanga rawn kal nia hriat, lirtheia Kolasib leh a chhehvela brick zuar kualtu chu nimin khan complaint an dawn angin Kolasib police ten an man a, dan anga pawisa chawitir an nih hnu ah thawn haw nghal an ni.

Mizoram Tipper Association thuchhuak chuan, Kolasib-a an pawl member-te leh town trip changa lirtheia eizawng pawl dangte nen hetianga brick phura zuar kual hnamdang an awm chu tunlai hrileng inkharkhip laiah a him lo an tih avang leh sawrkar inkaihhruaina bawhchhiatna nia hria in police an hriattir a, police-te hian manin dan anga Rs.1000 an chawitir hnu ah an ram lama hawtir an ni, tih a sawi.

‘Home Department thuchhuakah chuan state pawn driver-te hi khaw kar kawngah riakin eirawng an inbawl ang tih a nih lai a, hetiang a thleng thin hi sawrkarin chak tak in hma la se, trip laa eizawng Mizote min hrek em em laia Vai driver-te duh duha Mizoram chhunga an zalen ta lutuk hi kan hrethiam lo a ni,’ MTA thuchhuak chuan a ti.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy