Nimin khan Urban Development & Poverty Alleviation (UD&PA) Department, Kolasib chuan Kolasib Conference Hall-UD&PA Hall-ah “Swachhata Hi Seva” pualin bawlhhlawh hmanga thil siam chuuah Fashion Show (Waste-to-Art Fashion Show) leh Pradhan Mantri Awas Yojana (PMAY) Mela a buatsaih.
He hun hi Robert C. Lalhmangaiha, Kolasib Deputy Commissioner chuan a hmanpui a, District chhunga Faina Thawktu \ha Ber (Best Sanitation Worker) leh Best Sweeper te chawimawina hlan an ni a, PMAY Urban 2.0 puala quiz buatsaih a ni bawk
Robert C. Lalhmangaiha chuan tunlai khawvelah bawlhhlawhte pawh thil \angkai leh hlu taka chantir theih a ni tiin, nimina an hun buatsaih chu fai chungchanga inzirtirna zau zel theihna atana kawng thar dangdai leh \ha tak a ni tih a sawi a. Kolasib chu khawpui fai leh mawi taka siam turin mi tinte \an la sauh sauh turin a chah a, sawrkar, tlawmngai pawl, leh Village Council-te thawhhona a pawimawhzia a sawi lang bawk.
‘Waste to Art’ Fashion Show hi UD&PA Department leh August 19 Fashion School-te \ang dun buatsaih a ni a, bawlhhlawh a\anga siam thawmhnaw leh incheina chi hrang hrang an pho lan te chu UD&PA Solid Waste Management Centre atanga bawlhhlawh an an lakkhawm a\anga an siamchhuah te a ni.
Kolasib-ah bawlhhlawh fashion show
